अखबार नेपाल ट्रेन्डिङ

काठमाडौं: एमसीसी पास गराउनको लागि अमेरिकाले नेपाललाई धम्काएको निष्कर्ष निकाल्दै चीनले परराष्ट्र मन्त्रालय मार्फत पत्रकार सम्मेलन गरी प्रतिरोध गर्ने प्रतिक्रिया दिएको छ ।

शुक्रबार बेइजिङमा पत्रकार सम्मेलन गरी  परराष्ट्र मन्त्रालयले एमसीसी मार्फत् अमेरिकाले ‘धम्की कुटनीति’ सुरू गरेको आरोप लगाउँदै आफूले प्रतिरोध गर्ने चेतावनी दिएको हो ।

पत्रकार सम्मेलनमा बोल्दै चिनियाँ परराष्ट्र प्रवक्ता वाङ् वन पिनले भने-‘अमेरिकाले नेपालसँगको सहकार्यको नाममा धम्कीपूर्ण कुटनीतिक सुरू गरेको छ । यसको चीनले प्रतिरोध गर्नेछ ।’

नेपालका लागि अमेरिकी राजदूत र्‍यान्डी बेरीले सामाजिक संजाल माफर्त अमेरिका स्वतन्त्र अभिव्यक्ति र सार्वजनिक बहसको बलियो समर्थक रहेको भन्दै शान्तिपूर्ण रुपमा आफ्नो विचार प्रकट गर्न आग्रह गरिरहेका बेला चीनले चालेको यो कदमलाई निकै महत्वका साथ हेरिएको छ ।