अखबार नेपाल ट्रेन्डिङ

काठमाडौं: एसियन सिनियर सेन्ट्रल जोन पुरुष तथा महिला भलिबल च्यालेन्ज कप अन्तर्गत आज नेपालको महिला र पुरुष दुवै टोलीले प्रतिस्पर्धा गर्दैछन् ।

नेपालको महिला टोलीले आज आयोजक बंगलादेशको सामना गर्नेछ भने पुरुष टोलीले श्रीलंकासँग प्रतिस्पर्धा गर्नेछ ।

नेपाली महिला टोली र बंगलादेशबीचको खेल बिहान ९:१५ बजे सुरु हुनेछ ।

साविक विजेता समेत रहेको महिला टोली आज लगातार तेस्रो जितको खोजीमा हुनेछ ।

पहिलो खेलमा नेपालले श्रीलंकालाई ३-२ सेटमा हराएको थियो भने दोस्रो खेलमा माल्दिभ्सलाई ३-० को सेटमा हराएको थियो ।

यस्तै नेपाली पुरुष टोलीले  श्रीलंकासँग दिउसो ५:४५ बजे प्रतिष्पर्धा गर्नेछ ।

नेपाल दोस्रो जितको खोजीमा हुनेछ ।

पहिलो खेलमा नेपाल बंगलादेशसँग ३-० को सेटमा पराजित भएको थियो ।

दोस्रो खेलमा उज्वेकिस्तानलाई ३-१ को सेटमा हराएको थियो ।

प्रतियोगितामा पुरुषतर्फ ५ र महिलातर्फ ६ राष्ट्रको सहभागिता रहेको छ  ।

पुरुषमा आयोजक बंगलादेश, नेपाल, माल्दिभ्स, श्रीलंका र उज्वेकिस्तानले प्रतिस्पर्धा गर्नेछन् ।

महिलामा आयोजक  बंगलादेश, नेपाल, किर्गिस्तान, माल्दिभ्स, श्रीलंका र उज्वेकिस्तानले प्रतिस्पर्धा गर्नेछन् ।

राउण्ड रोबिनको आधारमा हुने प्रतियोगिताको शीर्ष दुई टोलीले फाइनलमा प्रतिस्पर्धा गर्नेछ ।