अखबार नेपाल ट्रेन्डिङ

एजेन्सी: इंग्लिस प्रिमियर लिगमा एभर्टनले आर्सनलमाथि घरेलु मैदानमा २–१ गोल अन्तरले पराजित गर्दै पूनरागमन जित निकालेको ।

एभर्टनको जितमा रिचार्लीसन र डिमाराई ग्रेले गोल गरे । आर्सनलका मार्टिन ओडेगार्डले १ गोल फर्काए ।

निक्कै नै प्रतिस्पर्धात्मक बनेको खेलको ४४औं र ५८औं मिनेटमा रिचार्लीसनले गोल गरेपनि भिएआरबाट मान्यता नपाउँदा एभर्टन अग्रता लिनबाट चुक्यो ।

भिएआरमा उक्त गोलको मुभमा अफसाइड देखिएको थियो ।

खेलको ७९औं मिनेटमा रिचार्लीसनले गोल गर्दै खेललाई बराबरीमा ल्याए । डेमाराई ग्रेको प्रहार क्रसबारमा लागेर फर्कदा रिचार्लीसनले रिवाउन्डमा हेडरमार्फत गोल गर्न सफल भएका थिए ।

थप गरिएको दोस्रो मिनेटमा डेमाराई ग्रेले गोल गर्दै गर्दै एभर्टनलाई पूनरागमन जित दिलाए ।

जितसँगै एभर्टन १५ खेलबाट १८ अंक जोडेर १२औं स्थानमा उक्लन सफल भएको छ ।

पराजित आर्सनल २३ अंक जोडेर सातौ स्थानमा छ ।