अखबार नेपाल ट्रेन्डिङ

काठमाडौंः सिरहा गोलबजार नगरपालिकाको आयोजनमा तेस्रो गोलबजार उप–प्रमुख राष्ट्रिय कराँते प्रतियोगिताकाे तयारी पुरा भएको छ ।

शहिद दानी थापा र पञ्चलाल थापाको ११औं स्मृतिमा असोज १५ र १६ गते तेतरीया जम्दह सरस्वती माविको प्रांगनमा प्रतियोगिता विहान ८ः०० बजे सुरु भएपनि खेलको औपचारिक उदघाटान ११ः०० बजे हुने गोलबजार प्रशिक्षण केन्द्रका प्रशिक्षक कसम लामाले जानकारी दिए ।

पूर्व मन्त्री तथा माओवादी केन्द्र प्रदेश-२ का सह-ईञ्चार्ज विश्रनाथ साहको प्रमुख आतिथ्यमा प्रतियोगिताको उदघाटन हुने प्रशिक्षक लामाले जानकारी दिए ।

प्रतियोगितामा क्रमशः टिम प्रथमले नगद रु. ५० हजार, टिम द्वितीयले रु. २५ हजार र तृतीय हुने टिमले रु. १५ हजार पुरस्कार पाउने छन् ।

प्रतियोगिताको पुरुष र महिला उत्कृष्ट खेलाडीले जनाही १० हजार नगद पुरस्कार पाउने छन् ।

त्यसैगरी उदयमान पुरुष र महिला खेलाडीले समान ७ हजार नगद पुरस्कार पाउने प्रशिक्षक लामाले अखबार नेपाललाई जानकारी दिए ।

तेस्रो गोलबजार उप–प्रमुख राष्ट्रिय कराँते प्रतियोगितामा आयोजक टिम सहित गण्डकी प्रदेश, लुम्बिनी प्रदेश, बागचरौर नगरपालिका, कर्णाली प्रदेश, कृष्णपुर नगरपालिका, लालझादी गाउँपालिका कञ्चनपुर, सुदुरपश्चिम प्रदेश, कमलामाई नगरपालिका सिन्धुली, बागमती प्रदेश, धरान उपमहानगरपालिका सुनसरी, कटारी नगरपालिका उदयपुर, प्रदेश-२ र धनुषधाम नगरपालिका धारापानी गरी १० टिमका दुई सय भन्दा बढी खेलाडीले कुल ८४ पदकको लागि दुइ दिन सम्म प्रतिष्पर्धा गर्ने छन् ।

यो पनि पढ्नु होस्ः