अखबार नेपाल ट्रेन्डिङ

काठमाडौं: सत्ता गठबन्धनका घटक दल नेकपा माओवादी केन्द्रको स्थायी कमिटीको बैठक पार्टी मुख्यालय पेरिसडाँडामा शुरु भएको छ ।

बैठकमा  पार्टीको निर्वाचन प्रणाली, सरकार गठन तथा पार्टीको सांगठनिक कार्यक्रमबारे छलफल हुने बताईएको छ ।

पार्टी संगठनलाई चुस्त, दुरुस्त बनाउनका लागि माओवादी केन्द्रले वडास्तरदेखि केन्द्रीय महाधिवेसनसम्म गर्ने तयारी गरेको छ ।

त्यसका लागि पार्टीको निर्वाचन प्रणाली कस्तो बनाउने भन्नेबारे आजको बैठकमा विशेष रुपमा छलफल हुने बताईएको छ ।

माओवादीबाट सरकारमा सहभागीहरुको नाम तय गर्न अहिलेसम्म सकेको छैन । मन्त्री हुनेहरुको संख्या धेरै भएकाले पनि माओवादीले नाम टुंगो लगाउन नसकेको हो ।

माओवादीबाट यसअघि नै जनार्दन शर्मा र पम्फा भुसाल मन्त्री भइसकेका छन् । अब राज्यमन्त्रीसहित ४ जना मन्त्री बन्न पाउने छन् ।

आज बस्ने वैठकमा यस विषयले पनि प्रवेश पाउनेछ । तर आजै निर्णय हुने अवस्था भने देखिदैन ।  खासमा अहिलेसम्म मन्त्रीपरिषद बिस्तार हुन नसक्नुको मुख्य कारण सत्ता गठबन्धनमा कुन मन्त्रालय कसलाई भन्ने विषयमा बिबाद भएर हो ।