अखबार नेपाल ट्रेन्डिङ

काठमाडौं: नेपाली सेनाले खुल्ला तथा समावेशी प्रतिस्पर्धाबाट चार हजार सैन्य पदमा पदपूर्तिका लागि आवेदन खुला गरेको छ ।

खुलातर्फ २ हजार ९६, कर्तव्य पालनाको शिलशिलामा अशक्त र मृत्यु भएका नेपाली सेनाका सन्तति १ सय ८, महिला ३ सय ६०, आदिवासी र जनजाति ५ सय ७३, मधेसी ५ सय ५, दलित २ सय ७३ र पिछडिएको क्षेत्रबाट ८५ जना पदपूर्ति गरिने छ ।

नेपाली सेनाका देशैभरि रहेका विभिन्न कार्यालयबाट भर्ना प्रक्रिया सुरू गरिने जनाइएको छ । ८ कक्षा उत्तीर्णले असोज २४ गतेसम्म आवेदन दिन सक्नेछन् ।

बहालवाला सैनिक व्यक्ति बाहेक सैन्य पदका उम्मेदवारको हकमा भने अविवाहित हुनुपर्ने दरखास्त आह्वानमा भनिएको छ ।

दरखास्त पेस गर्ने अन्तिम मिति असोज १६ गतेसम्म १८ वर्ष पूरा भई २२ वर्ष ननाघेको र बहालवाला फलोवर्सको हकमा २६ वर्ष ननाघेको हुनुपर्ने उल्लेख छ ।

नेपाली सेनाको भर्ना छनौट निर्देशनालयको कार्यरथी विभागले एक सूचना जारी गर्दै नेपाली सेना मातहतका विभिन्न स्थानमा चार हजार सङ्ख्यामा सैन्य पदमा भर्नाका लागि आवेदन माग गरेको हो ।