नेपाल र भारतबिचको पहिलो खेल एक एक गोलको बराबरी
अग्रता जाेगाउन नसक्दा
वि.सं.२०७८ भदौ १८ शुक्रवार ०८:५२
1.7K
shares
काठमाडौंः नेपाल र भारतबिचको पहिलो खेल एक एक गोलको बराबरी भएको छ ।
नेपाल र भारतबिचको खेलमा यो पाँचौ बराबरी खेल हो ।
नेपालले पहिलो हाफमा लिएको अग्रता जोगाउन नसक्दा भारतसँग अन्तर्राष्ट्रिय मैत्रीपूर्ण फुटबल खेलमा बराबरी नजिता हात पारेको छ ।
खुई मध्य बाँकी दोस्रो मैत्रीपूर्ण खेल आइतबार साँझ हुनेछ ।
खेलको ३६औँ मिनेटमा नेपालले भारतविरुद्ध १–० को अग्रता लिएको थियो ।
अन्जन विष्टले भारतीय डिफेन्डर चिन्ग्लेनसाना सिंह कोनसामको गल्तीमा गोल गरेका थिए ।
डिबक्स अगाडि गोलरक्षकलाई ब्याक पास दिएका थिए ।
कोनसामको ब्याक पास गोलरक्षक सन्धुसम्म पुगेन ।
नजिकै रहेका विष्टले त्यो बललाई सजिलै नियन्त्रमा लिन सफल भए ।
त्यसपछि उनले सहजै खाली पोस्टमा गोल गर्दै नेपाललाई सुरुवाती अग्रता दिलाएका थिए ।
पहिलो हाफमा नेपालले भारतमाथि प्रावधिक रूपमा दबाब राखेको थियो ।
नेपालले ६ वर्षपछि भारतीय सिनियर टोलीको पोस्टमा दोस्रोपटक गोल गरेको हो ।
पहिलो हाफमा एक तालमेल मिलाउन नसकेको भारतले दोस्रो हाफपछि उत्कृष्ट प्रर्दशन ग¥यो ।
खेलको ६०औँ मिनेटमा अनिरुद्ध थापाले भारतलाई १–१ को बराबरीमा पु¥याए ।
उनी दोस्रो हाफमा मैदानभित्र छिरेका थिए ।
पोस्टभन्दा २२ यार्ड टाढाबाट भारतीय कप्तान सुनील क्षेत्रीले उत्कृष्ट बल प्रहार गरे ।
क्षेत्रीले प्रहार गरेको बललाई नेपालका कप्तान तथा गोलरक्षक किरण चेम्जोङले पन्च गरेका थिए ।
चेम्जोङले पन्च गरेको बल गोल लाइन नजिकै ड्रप भयो ।
थापाले उक्त ड्रप भएको बललाई जालि चुमाए र खेलमा बराबरी गोल गर्न सफल भए ।
यद्यपि गोलरक्षक चेम्जोङले बल क्लियर गर्ने प्रयास नगरेका होइनन् ।
तर उनले थापालाई गोल गर्नबाट रोक्न सकेनन् ।
नेपाली राष्टिय टोलीमा धेरै सुधार आवश्यक रहेको छ ।
मैत्रीपूर्ण खेलबाट गल्तीकमजोरी थाहा हुन्छ ।
यो खेल सुधार्ने एक अवसर पनि हो ।
हाम्रो लक्ष्य साफ च्याम्पिनसिप हो ।
भारतसँग आज नेपाली खेलाडीले उत्कृष्ट प्रदर्शन गरे ।
हामीले जित निकाल्न सकेनौँ ।
दर्शकलाई भारतविरुद्धको खेलमा गर्व गर्न लायक प्रदर्शन हुने भनेका थिएँ ।
गोलरक्षक किरणको गल्तीमा गोल भएको होइन ।
त्यो गोल किरणकै कारण सम्भव भएको म मान्दिन ।
सबैले बल बाहिर गएको अनुमान गरेका थिए ।
तर, बलभित्रै ड्रप भयो ।
प्रशिक्षक अब्दुल्लाह अलमुताइरी भने ।
भारतीय खेलाडी शारीरिक फिट हुनु र अग्ला भएकाले नेपाली खेलाडीले भारतीय डिबक्स भित्रसम्म बल लान कडा मिहिनेत गरेका देखिन्थे ।
दशरथ रंगशालाको मैदानमा अभ्यस्त नभएका कारण भारत पहिलो हाफमा त्यति जम्न सकेन ।
याे पनि:
वि.सं.२०७८ भदौ १८ शुक्रवार ०८:५२
वि.सं.२०८३ असार ५ शुक्रवार १५:२४
काठमाडौं: डोटी जिल्लाको जोरायल गाउँपालिका-२ स्थित बुडरमा विपद् व्यवस्थापन वेश...
वि.सं.२०८३ असार ३ बुधवार ११:४२
काठमाडौं: अर्जेन्टिनाका सुपरस्टार लिओनल मेसीले मंगलबार अल्जेरियाविरुद्धको खेलमा आफ्नो पहिलो...
वि.सं.२०८३ जेठ ३१ आइतवार ११:२५
काठमाडौं: पाँच पटकको विश्वविजेता ब्राजिल फिफा विश्वकप २०२६ को आफ्नो...
वि.सं.२०८३ जेठ २६ मंगलवार १७:२८
काठमाडौं: प्रधानमन्त्री बालेन्द्र शाहले मन्त्रिमण्डल पुनगर्ठन गरेका छन् । मंगलबार...
वि.सं.२०८३ जेठ २५ सोमवार १२:५४
सन् २००७ को फिफा ‘प्लेयर अफ द इयर’ अवार्ड ब्राजिलका...
वि.सं.२०८३ जेठ २५ सोमवार १२:०१
रामेछाप: रामेछापको सुनापति गाउँपालिका र दोलखाको शैलुङ क्षेत्रलाई जोड्ने नयाँ...
