अखबार नेपाल ट्रेन्डिङ

काठमाडौं: नेपालमा पछिल्लो २४ घण्टामा देशभर थप २ हजार २ सय ९५ जनामा कोरोना भाइरस संक्रमण पुष्टि भएको छ ।

११ हजार ८ सय ९२ पीसीआर परीक्षणमा एक हजार ९ सय २ जना र ४ हजार ३ सय ४१ एन्टिजेन परीक्षणमा ३ सय ९३ जना गरी २ हजार २ सय ९५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा एक हजार ८ सय ८ जना कोरोना भाइरस संक्रमणबाट मुक्त भएका छन् भने १६ जनाको मृत्यु भएको छ ।

नेपालमा कोरोना संक्रमितको कुल संख्या ७ लाख ६१ हजार १ सय २४ पुगेको छ । यो सँगै नेपालमा मृत्यु हुनेको संख्या १० हजार ७ सय ३० पुगेको छ भने ७ लाख १४ हजार ५ सय २० जना संक्रमणमुक्त भएका छन् ।

मन्त्रालयका अनुसार हाल देशभर सक्रिय संक्रमितको संख्या ३५ हजार ८ सय ७४ जना रहेको जनाएको छ । जसमध्ये ३३ हजार ३ सय ३३ जना होम आइसोलेसनमा छन् भने २ हजार ५ सय ४१ जना संस्थागत आइसोलेसनमा छन् । कोरोनाका बिरामीमध्ये ५ सय ६८ जना आईसीयू र १ सय ६० जना भेन्टिलेटरमा उपचाररत् छन् ।