अखबार नेपाल ट्रेन्डिङ

काठमाडौंः एमयुफसी विजयचोक युवा क्लब र आईटी कम्पनी सफ्टनेपबिच सम्झौता भएको छ ।

सम्झौता अनुसार सफ्टनेप शहीद स्मारक स्मृति ‘सी’ डिभिजन छनोट खेलको टेक्नोलोजी पार्टनरका रूपमा रहनेछ ।

यो वर्षको ‘सी’ डिभिजन लिग छनोट खेल १० भदौबाट शुरू भएको छ ।

अखिल नेपाल फुटबल संघ (एन्फा)ले आयोजना गरेको प्रतियोगिता ललितपुरको सातदोबाटो स्थित एन्फा कम्प्लेक्सको मैदानमा भइरहेको छ ।

इंग्लिस प्रिमियर लिग क्लब म्यानचेस्टर युनाइटेडको नेपाली समर्थकहरूको समुह एमयुएफसी नेपाल र विजयचोक युथ क्लबले सहकार्य गरेका छन् ।

एमयुफसी विजयचोक युवा क्लब र सफ्टनेप यी दुईले सहकार्य गर्दै यस वर्षको ‘सी’ डिभिजन लिग छनोट खेल्न लागेका हुन् ।

सन् २००५ मा स्थापना भएको सफ्टनेपले सफ्टवेयर डेभलपमेन्ट वेब एप्लिकेसन्स, क्रियटिभ डिजाइन लगायतका सेवा दिंदै आएको छ ।

यो पनि पढ्नु होस्ः