अखबार नेपाल ट्रेन्डिङ

एजेन्सीः राष्ट्रिय टोलीका सहकर्मी क्रिस्टियानो रोनाल्डोलाई फ्रान्सेली क्लब लिलेमा अनुबन्ध हुन पोर्चुगिज डिफेन्डर जोसे फोन्टेले आग्रह गरेका छन् ।

एक अन्तर्वार्तामा ३७ वर्षीय फोन्टेले रोनाल्डोलाई नियमित रूपमा लिले आउन आग्रह गर्दै म्यासेज लेख्ने गरेको खुलाएका छन् ।

फोन्टेले लिलेबाट लिग वान खेलिरहेका छन् ।

रोनाल्डोका खास प्रतिद्वन्द्वी मानिने लियोनल मेस्सी पेरिस सेन्ट जर्मेन (पिएसजी)मा अनुबन्ध भएपछि फोन्टेले उनलाई लिलेबाट लिग वान खेल्न अनुरोध गरेका हुन् ।

मेस्सी फ्रान्स आएपछि हामीलाई थप गाह्रो हुनेछ ।

हामी पनि पिएसजीका लागि चुनौती बन्न सक्छौँ ।

उनले भने- यसैले त म प्रत्येक दिन रोनाल्डोलाई लिले आउन आग्रह गर्दै सन्देश पठाउँछु ।

उनले हा हा हा भनेरमात्र जवाफ फर्काउँछन् ।

‘हामी उपाधि रक्षा गर्न हाम्रो हतियार प्रयोग गर्ने प्रयास गछौँ ।

राष्ट्रिय टोलीका सहकर्मी क्रिस्टियानो रोनाल्डोलाई म  कुनै पनि बाटोबाट लिले ल्याउने प्रयास गर्नेछु ।

म एउटा योजना बनाउनेछु ।

उनले फ्रेन्च टाइटल जिताउने छन् ।

अघिल्लो सिजन लिलेले पिएसजीको एकाधिकार तोड्दै घरेलु लिगको उपाधि जितेको थियो ।

यस पटक ऊ उपाधि रक्षा गर्ने योजनामा छ, जसका लागि पिएसजी तगारो हुनेमा दुईमत छैन ।

किनकि पिएसजीले हालसम्मकै उत्कृष्ट फरवार्ड लाइन तय गरेको छ ।

अग्रपंक्तिमा मेस्सी, नेयमार र किलियन एम्बाप्पेलाई राखेको पिएसजी घरेलु लिगमात्र होइन युरोपियन लिगमा पनि उत्तिकै बलियो हुने अपेक्षा गरिएको छ ।

यो पनि पढ्नु होस्:

स्पेनिस ला लिगा फुटबल धेरै स्टार खेलाडीको लागि घरसरह मानिन्थ्यो