अखबार नेपाल ट्रेन्डिङ

काठमाडौं:  महालक्ष्मी लाइफ इन्स्योरेन्स लिमिटेडले ‘महालक्ष्मी बाल बचत बीमा योजना’ सार्वजनिक गरेको छ । प्रत्येक आमाबाबुले आफ्नो बच्चाको उज्ज्वल भविष्यका लागि आजको बचतबाट भविष्यको सपना साकार पार्ने इच्छालाई मध्यनजर गर्दै इन्स्योरेन्स लिमिटेडले उक्त योजना सार्वजनिक गरेको हो ।

कम्पनीका अध्यक्ष मनोरञ्जन रमण शर्माले यो बीमा योजना बिक्री वितरणका लागि सुरु गरेका हुन् । यस बीमा योजनामा बचत, बचतमा प्रतिफल र बच्चाको जोखिम बहनको सुविधासमेत रहेको कम्पनीले जनाएको छ ।

बच्चा जन्मेको १ महिनादेखि बच्चा १८ वर्ष नपुगुन्जेल यस बीमा योजना लिन सकिन्छ भने बीमा अवधिको छनोट बच्चा १८ वर्ष पुगेपछि ३५ वर्ष नपुग्दासम्मको अवधि राखी ५ देखि २५ वर्षका लागि गर्न सकिन्छ। यसका साथै बच्चा बालिग भइसकेपछि बीमालेखको अख्तियार पूर्ण रुपमा हस्तान्तरण हुनेछ।

यस योजना अन्तर्गत बीमा अवधि समाप्तिमा बच्चाको भविष्य निर्माणको लागि बीमांक रकम र आर्जित बोनस रकम प्रदान गरिनेछ। कुनै कारणवश बीमा चालु अवस्थामा बीमितको मृत्यु भएमा तत्कालै २५% बीमांक रकम भुक्तानी दिइने र बाँकी ७५% बीमांक रकम, आर्जित बोनस र ब्याज बीमा अवधि समाप्तिमा प्रदान गरिने गरी थप सुविधा यस योजनामा समावेश गरिएको छ।

यो पनी पढ्नुहोस् :

विशिष्ट स्वाद र उत्कृष्ट अनुभव पस्किँदै नेपालमा बनेको मार्सी बियर बजार