अखबार नेपाल ट्रेन्डिङ

काठमाडौं: अखिल नेपाल फुटबल संघ (एन्फा)को प्रवक्ताबाट किरण राईले एन्फा अध्यक्ष कर्मा छिरिङ शेर्पालाई राजीनामा पत्र बुझाएका छन् ।

एन्फामा पछिल्लो समय उपाध्यक्ष पंकज नेम्वाङ र नेपाली राष्ट्रिय फुटबल टोलीका प्रशिक्षक अब्दुल्लाह अलमुताइरीबीचको विवाद उत्कर्षमा पुगेपछि त्यही कारण राजीनामा दिएको बुझिएको छ ।

राईले केहीअघि सामाजिक सञ्जाल फेसबुकमा स्ट्याटस लेख्दै असन्तुष्टि पोखेका थिए । उनले लेखेका थिए, ‘म मर्छु होला बरु तर फुटबल खेलको राष्ट्रिय तथा अन्तराष्ट्रिय मान्यता र सिद्धान्तविपरित पाइला चाल्न र नेपाली गरिब भएको प्रचार गरेर सहयोग प्राप्त भयो भन्दैमा सबै मान्यता र स्वाभिमान नै झुक्ने गरि सम्झौता गर्न मिल्ला र ?’

एन्फामा पछिल्लो समय राजीनामा दिने क्रम चलिरहेको छ । यसअघि हिजो सहायक महासचिव वसन्तराज अर्यालले पनि राजीनामा दिएका थिए ।