अखबार नेपाल ट्रेन्डिङ

काठमाडौं: काठमाडौं रेजर्स फ्रेन्चाईज फुटबल प्रतियोगिता नेपाल सुपर लिग (एनएसएल) को प्लेअफमा प्रवेश गरेको छ ।

आज भएको रोमाञ्चक खेलमा विराटनगर सिटी एफसीलाई ५-४ गोल अन्तरले पराजित गर्दै काठमाडौंले प्लेअफमा स्थान पक्का गरेको हो ।

काठमाडौंलाई जित दिलाउन मेसौके ओलोमोउले ह्याट्रिक गोल गरे ।

स्टेफेन बिनोङ र छिरिङ गुरुङले एक-एक गोल गरे ।

विराटनगरका पेड्रो मान्जीले दुई गोल फर्काए ।

एडिलाजा सोमिडे र रन्जित धिमालको नाममा एक-एक गोल रह्यो  ।

जितसँगै काठमाडौंले ५ खेलमा १० अंक जोडेको छ ।

यससँगै काठमाडौं प्लेअफमा पुग्ने दोस्रो टिम बनेको छ ।

विराटनगरले ५ खेलमा ७ अंक जोडेको छ ।

विराटनगरको पनि प्लेअफ सम्भावना रहेको छ ।