अखबार नेपाल ट्रेन्डिङ

काठमाडौं: पहिलो संस्करणको फ्रेन्चाईज फुटबल प्रतियोगिता खुकुरी नेपाल सुपर लिग (एनएसएल) अन्तर्गत आज दुई खेल हुँदैछ ।

त्रिपुरेश्वरस्थित दशरथ रंगशालामा हुने पहिलो खेलमा ललितपुर सिटी एफसी र बुटवल लुम्बिनी एफसीबीचको खेल दिउँसो २:३० बजे सुरु हुनेछ ।

यसैगरी दोस्रो खेलमा काठमाडौं रेजर्स र बिराटनगर सिटी एफसीबीचको खेल साँझ ५:३० बजेबाट शुरु हुनेछ ।

पहिलो खेलमा ललितपुर र बुटवल दुवै टिम एक अर्कालाई पराजित गर्दै जित निकाल्दै शिर्ष चारको सम्भावना बलियो बनाउने योजना सहित मैदान उत्रनेछन् ।

फिनिसिङ समस्याका कारण फितलो खेल खेल्दै आएको ललितपुरलाई जुनसुकै हालतमा आजको खेल जित्नुपर्ने दबाबमा रहको छ ।

चार खेलमा तीन खेल बराबरी र एक खेलमा हारको सामना गरेको ललितपुर ३ अङ्कसहित छैटौं स्थानमा रहेको छ ।

बुटबल पनि ललितपुरलाई हराउँदै शिर्ष चारको सम्भावना बलियो बनाउने योजना सहित मैदानमा उत्रनेछ ।

४ खेलमा १ खेल जित्दै दुई खेलमा बराबरी र एक खेलमा हारको सामना गरेको बुटवल ५ अङ्कसहित तालिकाको चौंथो स्थानमा रहेको छ ।

यस्तै आजको दोस्रो खेलमा काठमाडौं रेजर्स र बिराटनगर सिटी एफसीले पनि जित सहित शिर्ष चारको स्थान पक्का गर्ने योजना सहित मैदानमा उत्रनेछ ।

दुई टिमले हालसम्मको चार खेलबाट समान ७ अङ्क जोडेको छ । चार खेलबाट समान अङ्क रहेपनि गोल अन्तरमा पछि पर्दै काठमाडौं तेस्रो स्थानमा रहँदा बिराटनगर दोस्रो स्थानमा रहेको छ ।

उपाधि दाबेदारीको बलियो प्रस्तुती दिएको काठमाडौं र बिराटानगरबीचको खेल निकै नै रामाञ्चक हुने अनुमान गरिएको छ ।

प्रतियोगितामा लिग चरणका शिर्ष चार टिमले प्लेअफमा स्थान बनाउने छन् ।

लिग चरणको २१ सहित प्लेअफ, इलिमिनेटर र फाइनल गरि प्रतियोगितामा कुल २५ खेल खेलाइने छ ।

प्रतियोगिताको फाइनल खेल जेठ १ गते खेलाईने छ ।

कोरोना महामारीका कारण बिना दर्शक बन्द रंगशालामा संचालित यस प्रतियोगिताको विजेताले ३५ लाख रुपयाँ पुरस्कार पाउँनेछन् भने प्रतियोगिताको उप विजेताले १५ लाख नगद प्राप्त गर्ने छ ।

लिगमा उत्कृष्ट प्रदर्शन गर्ने फरवार्ड, गोलरक्षक, मिडफिल्डर र डिफेण्डरले जनही १–१ लाखँ रुपयाँ प्राप्त गर्ने छन् भने एक जना युवा खेलाडीलाई ईमर्जिङ खेलाडीको अवार्ड प्रदान गरिने छ ।

लिगको सर्वोत्कृष्ट प्रशिक्षकलाई समेत नगद सहित सम्मान गरिने छ ।

उपत्यकामा आजदेखि निषेधाज्ञामा थप कडाइ, पसल बिहान ९ बजेसम्म मात्रै खुला, फुटपाथ व्यवसाय बन्द