अखबार नेपाल ट्रेन्डिङ

काठमाडौ : सम्पत्ति सुद्धिकरणको विषय यसअघि नै उठेका विषय हुन । तर पनि त्यसले राजनीतिक वृत्तमा उच्च ओहदामा रहेका नेता तथा कर्मचारीहरुलाई खासै छुने गरेको थिएन ।

तर अहिले प्रधानमन्त्री केपी शर्मा ओलीले आफूइतरका नेतालाई ठेगान लगाउनकै लागि उच्च स्तरीय सम्पत्ति छानविन आयोग गठन गर्न लागेका छन् ।

विषेष गरी यसअघि विभिन्न भ्रष्टाचारका मुद्धामा मुछिएका सम्पूर्ण नेताहरुको छानविन गर्न ओलीले चाँडै छानविन आयोग बनाउने प्रधानमन्त्रीको सचिवालय स्रोतले जानकारी दिएको छ।

जसअनुसार आयोगले खासगरी प्रचण्ड र माधव नेपाल, नारायणकाजी श्रेष्ठ, झलनाथ खनाल, वामदेव गौतम, रामचन्द्र पौडेल लगायत नेताहरुको सम्पत्तिको स्रोत खोज्ने बताईएको छ।

माधव नेपाल आफै पनि बालुवाटार जग्गा प्रकणमा मुछिएका नेता हुन्। उनले आफू इतरका नेताहरुको मात्र नभई आफ्नो सचिवालय सदस्यमा रहेकाहरुको पनि सम्पत्ति छानविन गर्ने सचिवालयले जनाएको छ ।

आयोग गठनका लागि गृहकार्य भईरहेको र आयोगले देशको उच्च तहमा पुगेका सबै राजनीतिक, प्रशासनिक र प्राविधिकहरुको समेत सम्पत्तिको छानबिन गर्ने  बताइएको छ।

यसरी छानविनबाट दोषी देखिएकाहरुलाई शसक्त कारबाही गर्ने तयारी पनि भईरहेको सचिवालयले जनाएको छ ।

प्रधानमन्त्री ओलीले आफू इतरका नेताहरुलाई ठेगान लगाउनकै लागि यो कदम चाल्न लागेको सहजै अनुमान गर्न सकिन्छ ।