अखबार नेपाल ट्रेन्डिङ

एजेन्सीः इंग्लिस प्रिमियर लिग फुटबलमा म्यानचेस्टर युनाईटेडले फुलहमलाई २-१ गोल अन्तरले पराजित गर्दै शीर्ष स्थानमा उक्लिएको छ ।

फुलहमको मैदानमा एक गोलले पछि परेको युनाईटेडले पुनरागमन जित निकालेको हो ।

खेलको पाँचौं मिनेटमा लुकम्यानले गोल गर्दै फुलहमलाई अग्रता दिलाएका थिए ।

खेलको २१औं मिनेटमा एडिन्सन काभानीले गोल गर्दै युनाईटेडलाई १-१ गोलको बराबरीमा ल्याए ।

त्यसपछि खेलको ६५ औं मिनेटमा पाउल पोग्बाले गोल गर्दै युनाईटेडलाई २-१ को जित दिलाए ।

जितसँगै युनाईटेडले १९ खेलमा ४० अंक जोडेको छ । युनाईटेड दोस्रो स्थानको म्यानचेस्टर सिटी भन्दा २ अंकले अघि रहेको छ ।

फुलहम १२ अंक जोडेर १८ औं स्थानमा रहेको छ ।