युभेन्ट्सले जित्यो इटालियन सुपर कप फुटबलको उपाधि
वि.सं.२०७७ माघ ८ बिहीवार ०७:५१
एजेन्सीः इटालियन सुपर कप फुटबलको उपाधि युभेन्ट्सले जितेको छ ।
गएराति भएको फाइनल खेलमा नापोलीलाई २-० गोल अन्तरले पराजित गर्दै युभेन्ट्सले उपाधि जितेको हो ।
युभेन्ट्सलाई उपाधि दिलाउन क्रिस्टियानो रोनाल्डो र अल्भारो मोराटाले एक एक गोल गरे ।
खेलको ६४ औं मिनेटमा रोनाल्डोले गोल गर्दै युभेन्ट्सलाई अग्रता दिलाएका थिए ।
खेलको ८० औं मिनेटमा नापोलीले बराबरी गर्ने मौका गुमायो । उसका लोरेन्जोले पेनाल्टीमा गोल गर्न सकेनन् ।
त्यसपछि खेलको इन्जुरी समयमा मोराटाले गोल गर्दै युभेन्ट्सलाई २-० को जित दिलाए । यससँगै युभेन्ट्सले नवौं पटक सुपर कप फुटबलको उपाधि जितेको छ ।
वि.सं.२०७७ माघ ८ बिहीवार ०७:५१