अखबार नेपाल ट्रेन्डिङ

काठमाडौं: काठमाडौं महानगरपालिका-२६ मित्रनगरस्थित गेष्ट हाउसबाट ३ किलो अवैध लागू औषध सहित २ जनालाई प्रहरीले पक्राउ गरेको छ ।

पक्राउ पर्नेहरूमा दाङ तुलसीपुर उपमहानगरपालिका-४ गाईघाट ठेगाना भएका २७ वर्षीय सुरज चौधरी र सल्यान त्रिवेणी गाउँपालिका-७ लुहाम ठेगाना भएका २४ वर्षीय कुमार बिक रहेका छन् ।

गेष्ट हाउसमा लागूऔषधको कारोबार हुँदैछ भन्ने सूचनाको आधारमा महानगरीय अपराध महाशाखाबाट खटिएको प्रहरीले उनीहरू बसेको कोठा तलासी गर्दा कालो झोलाभित्र लुकाई राखेको उक्त पदार्थ सहित फेला पारी पक्राउ गरेको हो ।

उनीहरूलाई थप अनुसन्धानको लागि महानगरीय प्रहरी परिसर, काठमाडौं पठाईएको उक्त महाशाखाले जनाएको छ ।

ललितपुर महानगरपालिका-२ सानेपास्थित सडकबाट नियन्त्रित लागूऔषध १ सय ४१ एम्पुल डाईजेपाम, १ सय ४१ एम्पुल बुप्रेनोर्फिन र १ सय ४१ एम्पुल फेनारगन सहित सप्तरी खडक नगरपालिका-५ ठेगाना भएका ४५ वर्षीय रामचन्द्र मण्डललाई प्रहरीले पक्राउ गरेको छ ।

लागूऔषध नियन्त्रण ब्यूरो कोटेश्वरबाट खटिएको प्रहरीले उनलाई उक्त परिमाणको लागूऔषध सहित फेला पारी पक्राउ गरेको हो । उनलाई लागूऔषध मुद्दामा म्याद थप गरी अनुसन्धान भईरहेको उक्त ब्यूरोले जनाएको छ ।

यसैगरी झापा, शिवसताक्षी नगरपालिका-१० बाट ९ ग्राम अवैध लागूऔषध ब्राउन सुगर जस्तो देखिने पदार्थ सहित ३ जनालाई प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २३ वर्षीय गोपी शर्मा, कचनकवल गाउँपालिका-६ बस्ने २६ वर्षीय मदन मैनाली र सप्तरी सप्तकोशी नगरपालिका-१ फत्तेपुर बस्ने अमर बराल रहेका छन् ।

लागूऔषधको सेवन एवं कारोबार भईरहेको भन्ने सूचनाको आधारमा ईलाका प्रहरी कार्यालय सुरुङ्गाबाट खटिएको प्रहरीले उनीहरूलाई उक्त पदार्थ सहित फेला पारी पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको छ ।

र यो पनि पढ्नुहोस्ः
काठमाडौं उपत्यकका सामुदायिक तथा निजी विद्यालयहरु माघदेखि क्रमशः खुल्ने
कांग्रेसको १४औं महाधिवशेन तोकिएको समयमा नहुने निश्चित
काभ्रेको बनेपा नगरपालिकामा ग्याँस उद्योगको ट्याङ्की विस्फोट हुँदा तीन जना घाइते