अखबार नेपाल ट्रेन्डिङ

एजेन्सी: विश्वभर कोरोना संक्रमणबाट मृत्यु हुनेको संख्या १६ लाख नाघेको छ । पछिल्लो २४ घन्टामा विश्वभर थप १२ हजार २ सय १५ जनाको मृत्यु भएसंगै कुल संक्रमित संख्या १६ लाख ४ हजार ७ सय ७७ पुगेको हो ।

यस्तै विश्वभर कोरोना संक्रमित हुनेको संख्या ७ करोड १४ लाख नाघेको छ । वर्ल्डओ मिटरको तथ्यांक अनुसार विश्वभर पछिल्लो २४ घण्टामा थप ६ लाख ८८ हजार ५ सय ५५ जनामा कोरोना संक्रमण पुष्टि भएको छ ।
कोरोना महामारीको एक वर्ष पुग्न लाग्दा हालसम्म विश्वभर संक्रमित हुनेको संख्या ७ करोड १४ लाख १९ हजार ७ सय ४३ पुगेको छ । यस्तै हालसम्म कोरोनाका कारण संक्रमित भएकामध्ये ४ करोड ९६ लाख २५ हजार १ सय ५७ जना स्वस्थ भएका छन् ।
हाल विश्वभर सक्रिय संक्रमितको संख्या २ करोड १९ लाख ४ हजार १ सय ९७ रहेको छ ।