अखबार नेपाल ट्रेन्डिङ

रामेछाप: रामेछाप जिल्लामा बितेको एक महिनाको अवधिमा ट्राफिक प्रहरीले १ हजार ७ सय सवारी साधनलाई कारवाहि गरेको छ । उक्त अवधिमा सवारी साधनलाई गरिएको कारवाहिबाट उठाइएको जरिवाना स्वरुपको राजस्व रकम १६ लाख ५४ हजार रुपैयाँ  संकलन भएको जिल्ला प्रहरी कार्यायल रामेछापका प्रमुख बसन्त पाठकले जानकारी दिनुभयो ।

बन्दाबन्दि खुले संगै गत असोज २ गते देखि  कात्तिक २ गते सम्मको एक महिनाको अबधिमा मात्र नियम विपरित चल्ने विभिन्न यातायतका साधनहरुलाई गरेको कार्वाहि स्वरुप उक्त राजस्व संकलन गरिएको हो । रामेछापका ट्राफिक प्रमुख रामेश्वर पाण्डेका  अनुसार सदरमुकाम मन्थली र जिल्लाका विभिन्न नाकाहरुमा सवारी जाँचको लागि ट्राफिक सहित खटिएको प्रहरीको टोलिले चेकजाँच गर्दा ट्राफिक नियम  विपरित चलेका विभिन्न  १ हजार ७ सय  यातायातका साधनहरुलाई कारवाहि गरिएको हो ।

सरकारले लगाएको बन्दाबन्दि पछि  स्वास्थ मापदण्डलाई मध्यनजर गरि यातायातका साधन संचालन गर्न  सरकारले निर्देशन दिएको थियो ।  ट्राफिक नियमको पालना र त्यसको कार्यान्वयन संगै प्रहरीले दशै तिहार र छठ पर्वको अवसरमा सर्बसाधारणलाई यातयात क्षेत्रमा आईपर्ने समस्या बाट मुक्ति दिलाउनका लागि पनि थप कडाई गर्ने भएको छ । त्यसका लागि जिल्लाले विभिन्न ठाउँमा सहायता कक्ष संचालनमा ल्याई सकेको छ ।

सहायता कक्षको संचालन संगै प्रहरीले यातायातका साधनहरुले  लिने भाडा दर यात्रुहरुमा पर्ने समस्या ,जेष्ठ नागरिक र अपाड्ग तथा महिला प्रति चालक र सहचालकल गर्ने  व्यबहारका बारेमा पनि कडाईका साथ अनुगमन गरि त्यसको पुर्ण कार्यान्वयनका लागि समेत ट्राफिक प्रहरी क्रियाशिल हुने रामेछापका ट्राफिक प्रहरी प्रमुख रामेश्वर पाण्डेले जानकारी दिनुभयो ।