अखबार नेपाल ट्रेन्डिङ

काठमाडौं:  बैंकहरुले कोरोना भाइरस सङ्क्रमणलाई ध्यानमा राख्दै दशैंमा आफ्ना शाखाहरु नखोल्ने भएका छन् । गत वर्ष दशैं बिदामा सीमित  काउन्टर खोलेर सेवा प्रवाह गरेका बैंकले यस वर्ष कुनै पनि बैंक नखोल्ने निर्णय गरेको छ ।

सीमित शाखा खोलेर बैकिङ सेवा दिँदा कोरोना सर्ने जोखिम बढ्ने सम्भावना भएकाले सरकारले तोके अनुसार यही कात्तिक ७ देखि ११ गतेसम्म पाँच दिन सबै बैंकका शाखा नखोल्ने निर्णय गरिएको बैंकहरुको छाता सङ्गठन नेपाल बैंकर्स सङ्घले जनाएको छ ।

हाल बैंकहरुले एटिएम तथा डिजिटल कारोबारलाई प्राथमिकतामा राख्दै आएकाले यस पटक डिजिटल बैंकिङलाई प्रोत्साहन गरी शाखा खोलेर दिने सेवालाई  बन्द गरिएको हो ।