अखबार नेपाल ट्रेन्डिङ

एजेन्सी: च्याम्पियन्स लिग फुटबल अन्तर्गत क्वाटरफाइनलको पहिलो लेगमा स्पेनिस क्लब बार्सिलोनाले जित निकालेको छ । गएराति भएको खेलमा बार्सिलोनाले ईग्लिस क्लब म्यानचेस्टर युनाईटेडलाई १-० गोल अन्तरले पराजित गरेको हो ।

युनाईटेडको घरेलु मैदानमा बार्सिलोनाले आत्मघाती गोलबाट जित निकालेको हो । युनाईटेडका लागि लुक शले आत्मघाती गोल गरेका थिए । यो जितसंगै बार्सिलोनाले सेमिफाइनलमा पुग्ने सम्भावना बलियो बनाएको छ । अब बार्सिलोनाले घरेलु मैदानमा युनाईटेडसँग दोस्रो लेग खेल्नेछ । युनाईटेडलाई भने सेमिफाइनलमा पुग्न दोस्रो लेगमा उत्कृष्ट पुनरागमन गर्नुपर्ने भएको छ ।