अखबार नेपाल ट्रेन्डिङ

काठमाडौं : कात्तिक ७ गतेदेखि नेपाल अधिराज्यभरि प्रसारण हुने विदेशी टेलिभिजन च्यानलहरुलाई विज्ञापनरहित (क्लिन फिड) प्रसारण गर्न नेपाल सरकारले निर्देशन दिएको छ ।

सञ्चार तथा सूचना मन्त्रालयले एक विज्ञप्ती जारी गर्दै विज्ञापन (नियमन गर्ने) ऐन, २०७६ को दफा ६ (१) अनुसार नेपालभरि प्रसारण भइरहेको सम्पूर्ण विदेशी टेलिभिजन च्यानलहरुले विज्ञापनरहित (क्लिन फिड) प्रसारण गर्नुपर्नेछ ।

उक्त तोकिएको समयभित्र पनि टेलिभिजनहरुले अटेरी गरेर विज्ञापनसहितको विदेशी टेलिभिजन च्यानलहरु प्रसारण गरेको पाइएमा नेपाल सरकार स्वयंले ती टेलिभिजनहरुलाई प्रचलित कानुन बमोजिम कडाईका साथ कार्बाही गर्ने चेतावनी दिएको छ ।