अखबार नेपाल ट्रेन्डिङ

काठमाडौं:  प्रदेश- २ सरकारले ‘बेटी पढाऊ, बेटी बचाऊ’ अभियान अन्तर्गत छोरी शिक्षा बीमा गराएका छोरीको घरमा निःशुल्क इन्टरनेट सेवा जडान गर्ने भएको छ ।

गत माघ २ गतेदेखि प्रदेश २ का १ सय ३६ वटै पालिकामा सञ्चालन गरिएको छोरी शिक्षा बीमाको शिविर कार्यक्रमअन्तर्गत २ माघ २०७६ यता बीमा गराएका २६ हजार ९ सय ५६ छोरीको घरमा निःशुल्क इन्टरनेट जडान गरिने मुख्यमन्त्री तथा मन्त्रिपरिषद्को कार्यालयले जनाएको छ ।

प्रदेशका सबै १ सय ३६ पालिकाले छोरी बीमाको कागजात तयार गरेर ती सबै पालिकाका छोरीको घरमा पालैपालै इन्टरनेट जडान गरिने छ । महोत्तरीको लोहारपट्टि नगरपालिकाको छोरी शिक्षा बीमासम्बन्धी सम्पूर्ण कागजात तयार रहेकाले यस नगरपालिकाबाट निःशुल्क इन्टरनेट सेवा जडान गर्ने तयारी भएको छ । सुबिसु इन्टरनेट कम्पनीले बीमा भएका ती छोरीको घरमा इन्टरनेट सेवा जडान गर्ने मुख्यमन्त्री कार्यालयले जनाएको छ ।