अखबार नेपाल ट्रेन्डिङ

काठमाडौं: नेपाल चीन सीमा विवाद अन्तर्गत ५८ बर्षपछि हुम्लामा पर्ने ११ नम्बर पिल्लर फेला परेको छ ।

हुम्लाका प्रमुख जिल्ला अधिकारी चिरिञ्जीवी गिरीको नेतृत्वमा खटिएको सीमा निरीक्षण टोलीले गरेको अध्ययन अनुसन्धानका क्रममा नाम्खा गाउँपालिका वडा नम्बर ६ लिमीको माथि ताकु लेकमा ११ नम्बरको पिल्लर भेट्टिएको हो ।

२०६४ सालदेखि हराएको पिल्लर सशस्त्रले खोजिरहे पनि भेटिएको थिएन । तर अहिले प्रमुख जिल्ला अधिकारीकै नेतृत्वमा खटिएको टोलीले भने पिल्लर भेटिएको छ । सीमामा पर्ने लाप्चा क्षेत्रमा चिनियाँ पक्षले एकतर्फी रुपमा ९ वटा भवन बनाएको सार्वजनिक भएपछि सो भूमिको निर्क्यौल गर्न नेपाली पक्षले पिल्लरको खोजीलाई तीव्र बनाएको थियो ।

पिल्लर भेटिएपछि अब चीनले नयाँ बनाईरहेको भवन नेपालतिर पर्छ वा चीनतिर पर्छ भन्ने एकिन हुनेछ । नेपाल सरकारले भने चीनले बनाईरहेको भवन उसकै भूमिमा रहेको बताइसकेको छ ।