अखबार नेपाल ट्रेन्डिङ

एजेन्सीः इङ्ग्लिस प्रिमियर लिग फुटबलमा टोटनहमले सानदार जित दर्ता गरेको छ ।

गएराती भएको खेलमा टोटनहमले साउथह्याम्टनलाई ५–२ ले पराजित गर्दै सानदार जित हात निकालेको हो ।

टोटनहमका सन एक्लैले चार गोल गर्दा चारै गोलका लागि कप्तान ह्यारि केनले अवसर सृजना गरे ।

यस्तै अर्को एक गोल केनको नाममा रहयो । साउथह्याम्टनका ड्यानी इङ्सले दुई गोल फर्काए ।

घरेलु मैदानमा साउथह्याम्टनले ३२ औं मिनेटमा अग्रता बनाएको थियो ।

१–० ले पछि परेको अवस्थामा सनले पहिलो हाफको इन्ज्यूरी समयमा ह्यारि केनको पासलाई सदुपयोग गर्दै खेललाई बराबरीमा पुर्याएका थिए ।

त्यसपछि लगातार ४७, ६४ र ७३ औं मिनेटमा सनले गोल गरे । यस्तै ८२ औं मिनेटमा ह्यारि केनले गोल गरेपछि टोटनहमले ५–१ को अग्रता बनायो ।

जितसँगै टोटनहमले लिगमा पहिलो ३ अंक हात पारेको छ । यसअघि पहिलो खेलमा टोटनहम एभर्टनसंग १–० ले पराजित भएको थियो ।