उपत्यकामा थपिए ८५९ कोरोना संक्रमित
वि.सं.२०७७ असोज २ शुक्रवार १६:५२
1.5K
shares
काठमाडौं: काठमाडौं उपत्यकामा आज ८ सय ५९ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आज उपत्यकाका तीन जिल्लामा २ सय ९६ महिला र ५ सय ६३ पुरुष गरी थप ८ सय ५९ कोरोना संक्रमित थपिएका हुन् ।
आज काठमाडौंमा २ सय १६ महिला, ४ सय ८२ पुरुष गरी ६ सय ९८ जना, भक्तपुरमा ४८ महिला, ३४ पुरुष सहित ८२ जना र ललितपुरमा ३२ महिला र ४७ पुरुष गरी ७९ जनामा कोरोना पुष्टि भएको हो ।
मन्त्रालयले संक्रमितको ठेगाना भने खुलाएको छैन । यस्तै आज उपत्यकामा ४ जनाको मृत्यु भएको छ । मृत्यु हुनेमा काठमाडौंका ८८ वर्षिय पुरुष र ८५ वर्षिया महिला रहेका छन् ।
यस्तै भक्तपुरका ८२ वर्षीय पुरूष र ललितपुरकी ६६ वर्षिया महिलाको मृत्यु भएको छ ।
वि.सं.२०७७ असोज २ शुक्रवार १६:५२



















