अखबार नेपाल ट्रेन्डिङ

टोकियो: जापानमा नयाँ युगको नाम सार्वजनिक भएको छ । जापानमा प्रत्येक सम्राटको शासनकाल ‘गेङ्गो’ लाई नाम दिइएको हुन्छ । त्यसको प्रयोग वर्षहरुको गणनाका लागि पश्चिमा पात्रोसँग गरिएको हुन्छ ।

निकै खोज पछि यसपटक नयाँ सम्राटको शासन अवधिलाई व्यक्त् गर्न ‘रेइवा’ शब्द छानिएको छ । ‘रेइ’ को अर्थ ‘शुभ’ र ‘वा’ को अर्थ ‘शान्ति’ हुने बताइएको छ । यसको प्रयोग अब पत्रपत्रिका, चालक अनुमति पत्र, सरकारी कागजात लगायतमा प्रयोग हुनेछ ।

वर्तमान सम्राट आकिहितोको युगलाई ‘हेसे’ भनिन्छ । ‘हेसे’ को अर्थ ‘शान्ति हासिल गर्नु’ रहेको थियो । उनले आफ्नो स्वास्थ्य अवस्थाका कारण अप्रिल ३० मा राजगद्दी त्याग गर्दैछन् । मे १ मा उनका छोरा युवराज नारुहितोले राजगद्दी सम्हाल्नेछन् । अब मे १ बाट नारुहितो सम्राट बनेपछि सबै ठाउँमा ‘रेइवा’ शब्द प्रयोग हुनेछ ।