अखबार नेपाल ट्रेन्डिङ

काठमाडौं: आइतबार साँझ वर्षासँगै आएको हावाहुरीले बारा र पर्सामा ज्यान गुमाउनेको संख्या ३० जना भन्दा बढीको मृत्यु भएको भने पाँच सय भन्दा बढी घाइते छन् ।
रोल
घाईतेहरुको बारा र पर्साको विभिन्न अस्पतालहरुमा उपचार हुँदैछ । घटनास्थलमा नेपाली सेना, नेपाल प्रहरी र सशस्त्र प्रहरीको टोली उद्धार कार्यमा खटिएका छन् । उपचारको क्रममा अस्पतालमा रगतको अभाव भएका कारण घाईतेहरुको उपचारमा रगतको कमी हुन नदिन रक्तदानको अव्हान समेत गरिएको छ । गम्भीर घाईतेहरुलाई हेलिकोप्टरद्वारा काठमाडौं ल्याउने तयारी भईरहेको छ ।

तीब्र गतिको हावाहुरीका कारण बारा र पर्साका अधिकाँश घरका छाना उडाएको छ । हावाहुरीले उडाएको जस्ता पाता र रुख ढलेर लाग्दा सयौको संख्यामा सर्वसाधारण घार्इते भएका हुन् । उद्धारका लागी सुरक्षाकर्मी घटनास्थल पुगेपनि रुख र विजुलीको पोल ढल्दा सडक अवरुद्ध हुँदा उद्धार कार्य प्रभावित बनेको छ । यसैबीच प्रधानमन्त्री केपी शर्मा ओलीले ट्वीट गर्दै उद्दारमा जुट्न र उपचारमा कुनै कमी हुन नदिन निर्देशन दिएका छन् ।