अखबार नेपाल ट्रेन्डिङ

ललितपुरः जिल्ला प्रशासन कार्यालय, ललितपुरले चक्रपथ क्षेत्रभित्र कर्फ्यू आदेश जारी गरेको छ ।

रातो मच्छिन्द्रनाथ रथयात्रालाई लिएर पुल्चोक क्षेत्रमा दिनभर तनाव भएपछि ललितपुर प्रशासनले शुक्रबार विहान ४ बजेदेखि राति १० बजेसम्म कर्फ्यू आदेश जारी गरेको हो ।

सो क्रममा स्थानीयले ट्राफिक प्रहरीमाथि कुटपिट पनि गरेका थिए । कुटपिट गर्ने ९ जनालाई भने प्रहरीले नियन्त्रणमा लिएको जानकारी दिएको छ ।

कोरोना संक्रमणमा भीडभाड बढेको, धार्मिक सहिष्णुतामाथि आँच पुगेको र संक्रमण रोग बढ्ने खतरा बढेपछि कर्फ्यू जारी गरिएको छ ।

बिहीबार दिउँसो रातो मच्छिन्द्रनाथ रथ तान्न स्थानीयको भीड निस्केपछि झडप भएपछि साँझ सुरक्षा अधिकारीहरूको बैठकले कर्फ्यू आदेशको निर्णय गरेको हो ।