अखबार नेपाल ट्रेन्डिङ

काठमाडौं: नेपालमा पछिल्लो २४ घण्टामा थप १ हजार २ सय २८ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले थप १ हजार २ सय २८ जनामा कोरोना संक्रमण पुष्टि भएको बताए ।

प्रवक्ता गौतमका अनुसार आज संक्रमित हुनेमा ३ सय ९४ महिला र ८ सय ३४ जना पुरुष रहेका छन् ।

योसँगै नेपालमा कोरोना संक्रमितको संख्या ४२ हजार ८ सय ७७ पुगेको प्रवक्ता गौतमले जानकारी दिए ।

आज नेपालमा संक्रिय संक्रमितको संख्या १८ हजार ८ सय १३ रहेको छ ।

पछिल्लो २४ घण्टामा १३ हजार ४ सय १३ जनाको पीसीआर परीक्षण गरिएको थियो ।

त्यस्तै पछिल्लो २४ घण्टामा थप ९ सय १७ जना कोरोना संक्रमित निको भएका छन् । योसँगै निको हुनेको संख्या २४ हजार २ सय ७ पुगेको छ ।