अखबार नेपाल ट्रेन्डिङ

एजेन्सीः विश्वभर महामारीको रुप लिएको कोरोना भाइरस संक्रमितको संख्या २ करोड २८ लाख नाघेको छ ।

एकैदिन २ लाख ६६ हजार ४ सय ११ जनामा संक्रमण पुष्टि भएपछि शुक्रबार बिहानसम्म कोरोना संक्रमितको संख्या २ करोड २८ लाख ६१ हजार ६ सय ८८ पुगेको छ । यस्तै एकै दिन थप ६ हजार १ सय ७५ जनाको मृत्यु भएपछि कोरोना संक्रमणले विश्वभर मृत्यु हुनेको संख्या ७ लाख ९७ हजार १ सय ५ पुगेको छ ।

संक्रमितमध्ये १ करोड ५५ लाख १६ हजार ७ सय ३७ जना संक्रमण मुक्त भएका छन् ।

कोरोना भाइरसकै संक्रमणबाट युरोपियन मुलुकहरूमा २ लाख ४ हजार ५ सय ५ जनाको मृत्यु भएको छ । ३२ लाख ८६ हजार ५ सय ६० जना संक्रमित भएकोमा १९ लाख ५२ हजार ८ सय ४१ जना संक्रमणमुक्त भएका छन् ।

यस्तै एसियाली मुलुकहरूमा १ लाख २६ हजार ४ सय ७७ जनाको मृत्यु भएको छ । ६० लाख २४ हजार १ सय ११ जना संक्रमित भएकोमा ४७ लाख १७ हजार २१ जना संक्रमणमुक्त भएका छन् ।

दक्षिण अमेरिकी मुलुकहरूमा १ लाख ८३ हजार ९ सय ८ जनाको मृत्यु भएको छ । ५५ लाख ७१ हजार ६ सय ४१ जना संक्रमित भएकोमा ४१ लाख ४४ हजार ८ सय २४ जना संक्रमणमुक्त भएका छन् ।

अफ्रिकी मुलुकहरूमा २७ हजार २२ जनाको ज्यान गएको छ भने ११ लाख ६२ हजार ३ सय ९२ संक्रमित छन् । संक्रमितमध्ये ८ लाख ८४ हजार ४ सय ८० जना संक्रमणमुक्त भएका छन् ।

त्यस्तै अष्ट्रेलिया सहित ओसिनियाका मुलुकहरूमा ४९० जनाको मृत्यु भएको छ । २६ हजार ५ सय २४ जना संक्रमित भएकोमा १९ हजार ७ सय जना संक्रमणमुक्त भएका छन् ।