अखबार नेपाल ट्रेन्डिङ

काठमाडौं: कोभिड—१९ उपचारका लागि विभिन्न मुलुकमा प्रयोग हुदै आएको रेम्डीसिभिर औषधी (इन्जेक्सन) नेपालमा पनि क्लिकिल ट्रायल गरिने हुने भएको छ ।

कोरोना संक्रमणका लागि बेलायत, अमेरिक, भारत, बंगलादेश लगाएत मुलकहरुमा क्लिनिकल ट्रायल हुदै आएको रेम्डीसिभिर औषधी नेपालमा पनि क्लिनिकल ट्रायल हुने भएको हो ।

नेपालको औषधी ऐन २०३५ का अनुसार क्लिनिकल ट्रायलका रूपमा प्रयोग भइरहेका औषधि दर्ता गरेर आयात गर्न नमिल्ने हुँदा आपत्कालीन प्रयोगका मात्र औषधी ल्याउन लागिएको औषधी व्यवस्था विभागका महानिर्देशक नारायण ढकालको भनाई ।

औषधी खरिद गर्ने देखि औषधीको क्लिनिकल ट्रायल गर्ने सबै काम नेपाल स्वास्थ्य अनुसन्धान परिषद्को रहेको औषधी व्यवस्था विभागका महानिर्देशक ढकाल बताउँछन् ।

नेपाल अनुसन्धान परिषद्का कार्यकारी निर्देशक डाक्टर प्रदिप ज्ञवालीका अनुसार करिब डेड महिना अघि औषधी ल्याएर क्लिनिकल ट्रायलयका लागि स्वास्थ्य मन्त्रालय संग स्वीकृती लिसकेको भए पनि डब्लुएचआले औषधी अहिले नै नकिन्न आग्रह गरे पछि त्यो प्रक्रिया अगाडी नबढेको बताउँछन् ।

विश्वका विभिन्न मुलुकमा भएको अध्ययनका क्रममा औषधीको प्रयोगले विरामीलाई अस्पतालमा बस्नु पर्ने दिन छोटो भएको देखिए पछि नेपालमा पनि रेम्डीसिभिर औषधी ल्याएर क्लिनिकल ट्रायल गर्ने प्रक्रिया पुनः थालिएको परिषदका निदर्शेक डाक्टर ज्ञवालीको भनाई छ ।

साथै यो औषधी ट्रायलका लागि मात्र ल्याउन लागिएकाले यो औषधी नेपाली बजारमा विक्रि वितरण भने नहुने डाक्टर ज्ञवाली बताउँछन् ।

उनले नेपाल स्वास्थ्य अनुसान्धान परिषद् औषधीको अनुसन्धानका लागि पूर्ण रुपमा तयारी अवस्थामा समेत रहेको अखबारनेपाललाई जानकारी दिए ।