अखबार नेपाल ट्रेन्डिङ

हेटौंडाः कोरोना संक्रमण बढ्दै भएको बेला प्रदेश नं. ३ को राजधानी हेटौडाको मालपोत कार्यालयमा भिडभाड देखिएको छ ।

सरकारले २५ जना भन्दा बढिको समूहमा भेला नहुन निर्देशन दिएको बेला हेटौडा मालपोत कार्यालयमा ५०औं को संख्यामा भिडभाड देखिएको हो ।

दिनप्रतिदिन सरकारी कार्यालय, सुरक्षा निकाय तथा बैंकको कर्मचारीहरुमा संक्रमण बढ्दै गएको बेला त्यसमा पनि सरकारी कार्यालयहरुमा बढी भिड देखिन थालेपछि सरकारले उच्च सुरक्षा सतर्कता अपनाउन भनेको छ ।

सरकारी कार्यालयमा नै यसरी भिडभाड हुने हो भने कोरोना समुदायमा पनि फैलिने त्रास बढ्दो छ । कोरोना भाइरसको महामारी फैलिइरहेका बेला भाइरस संक्रमण जोखिम कम गर्नका लागि सरकारले १५ दिनका लागि सटडाउनको निर्णय गरेको छ ।

सरकारी कार्यालयबाट हुने अत्यावश्यक बाहेकका सेवा बन्द रहने छन् भने आंशिक कार्यालय खोलेर अत्यावश्यक सेवाहरु दिने निर्णय भएको हो ।