अखबार नेपाल ट्रेन्डिङ

काठमाडौं: एनसेल आजीयाटा लिमिटेडले नेपालमा पहिलो पटक साउन २० गते देखि वायरफ्री प्लस वाइफाइ सेवा सुरु गरेको छ ।

वार्षिक प्लानमा मासिक  ६ सय ९० रुपैयाँको शुल्क रहेको यो सेवा अन्तर्गत ग्राहकले आफ्नो आवश्यकता अनुसारको गोल्ड, प्लाटिनम र डायमण्ड गरी तीनवटा समुहमा कुनै पनि समुह अन्तर्गतको प्लान लिन सक्ने कम्पनिले जनाएको छ ।

गोल्ड समुह अन्तर्गत ग्राहकले वार्षिक प्लानमा मासिक मात्र ६ सय ९० रुपैयाँ (कर बाहेक) शुल्कमा ६० जीबी वायरफ्री प्लस डेटा, २ सय मिनेट अन नेट टक टाइम र २ वटा फोरजी सिम कार्डमा प्रत्येकमा मासिक ५ जीबी डेटा प्राप्त गर्दछन् ।

त्यस्तै प्लाटिनम समुह अन्तर्गत ग्राहकले मासिक मात्र  ८ सय ६० रुपैयाँ (कर बाहेक) शुल्कमा ८५ जीबी वायरफ्री प्लस डेटा, ५ सय मिनेट अन नेट टक टाइम र २ वटा फोरजी सिम कार्डमा प्रत्येकमा मासिक १० जीबी डेटा प्राप्त गर्दछन् ।

डायमण्ड समुह अन्तर्गत ग्राहकले मासिक मात्र ९ सय ५० रुपैयाँ (कर बाहेक) शुल्कमा १ सय जीबी वायरफ्री प्लस डेटा, १ हजार मिनेट अन नेट टक टाइम र २ वटा फोरजी सिम कार्डमा प्रत्येकमा मासिक १० जीबी डेटा प्राप्त गर्दछन् ।

प्लान अनुसारको आकर्षक बन्डल सेवा, बन्डलिङ सेवा अन्तर्गत ग्राहकले २ वटा फोरजी सिमकार्ड, प्लानका आधारमा प्रत्येक सिममा ५ जीबी देखि १० जीबी डेटा, होम नेटवर्क भित्र हरेक महिना ४ सय २५ मिनेट टक टाइम प्राप्त गर्ने छन् ।

मोबिप्लेक्स, हङ्गामा म्युजिक, दामी म्युजिक, प्रभु टिभी लगायतका डिजिटल कन्टेन्टहरु र हप्ताको सातै दिन, २४ सै घन्टा उपलब्ध हुने ग्राहक सेवा यस वायरफ्री प्लस वाइफाइ सेवाको प्रमुख विषेशता रहेको छन् ।

वायरफ्री प्लस सेवा सुचारु गरी यस सेवाको फाइदा लिन इच्छुक ग्राहकले आफ्नो नजिकैको एनसेल सेन्टर साथै एनसेल आजीयाटा कम्पनीको वेबसाइटमा रहेको प्रभु पे, खल्ती र प्रभु कियोस्क तथा नजिकैको प्रभु रेमिटको काउन्टरबाट बुकिङ गर्न सक्ने छन् ।

यस वायरलेस डेटा कनेक्टिभिटीले उपभोक्तालाई अवसरहरुसँग जोड्न र डिजिटल बन्न योगदान गर्ने एनसेलका चिफ कमर्सियल अफिसर प्रदीप श्रीवास्तवले बताए ।