अखबार नेपाल ट्रेन्डिङ

काठमाडौं: नेपाल सरकारले गत असार २६ गते निर्णय गरे अनुसार सरकारले तोकेको मापदण्ड पूरा गर्दै मयूर यातायात प्रा.लि. ले काठमाडौं उपत्यकामा सेवा दिन सुरु गरेको छ ।

काठमाडौं-धुलिखेल-पनौती रुटमा दुई वटा बस र रिंगरोडमा ४ वटा बसहरु सोमबारबाट गुड्न थालेका छन् । हाल कम्पनीसँग ४४ वटा यात्रुवाहक बस रहेका छन् । गाडीमा मर्मतका क्रममा ब्याट्री राख्ने साथै मर्मतको काम पुरा भएसँगै ५० प्रतिशत बस निकाल्ने मयूर यातायातले ब्यवसायीले जनाएको छ ।

यात्रुले अनिवार्य मास्क लगाउनुपर्ने र एक पंक्तिको एउटा सिटमा एक जना मात्रै राखि ५० प्रतिशत बढी भाडा लिने गरी सरकारले बनाएको मापदण्ड अनुसार नै सेवा सुरु गरिएको मयूर यातायात ब्यवसायीले जनाएको छ ।