अखबार नेपाल ट्रेन्डिङ

एजेन्सीः ईटालियन सिरी ए मा युभेन्ट्सले एटेलान्टासँग बराबरी खेलेको छ ।

शनिबार राति युभेन्ट्सको घरेलु मैदानमा एट्लान्टाले अधिकांश समय आफ्नो कब्जामा राख्दै दुई पटक अग्रता कायम गरेको थियो । तर युभेन्ट्सका लागि जारी सिजनमा २८ खेल खेल्दै २८ गोल गरेका रोनाल्डोले एट्लान्टालाई जितबाट विमुख गराए ।

एट्लान्टाका लागि जपाटा र मलोनोभ्स्किले एक एक गोल गरे भने युभेन्ट्सका लागि दुबै गोल पेनल्टीमा रोनाल्डोले गरेका हुन् । बराबरीसँगै शिर्ष स्थानको युभेन्ट्सले दोश्रो स्थानको लाजियोमाथि ८ अंको अग्रता बनायो । यसअघि भएको खेलमा लाजियोले आसुओलोसँग हारको सामना गर्दै युभेन्ट्ससँगको अंक दूरी घटाउने मौकालाई खेर फालेको थियो ।

शिर्ष स्थानको युभेन्ट्सको ३४ खेलमा ७६ अंक छ भने समान खेलमा लाजियोको ६८ अंक छ भने तेश्रो स्थानको एट्लान्टाको उति नै खेलमा ६७ अंक छ ।