अखबार नेपाल ट्रेन्डिङ

कास्की: गण्डकी प्रदेश सरकारले आर्थिक वर्ष २०७७/७८ को बजेटमा स्थानीय प्रजातिका पशुपंक्षी एवं कृषिजन्य उत्पादनलाई प्राथमिकता दिएको छ । सरकारले रैथाने पार्कोटे र लिमे जातका भैँसी स्थानीय प्रजातिका खरी जातको बाख्रा, च्याङग्रा, भेडा, चौँरी, कुखुरा, कालो सुँगुर, जेठोबुढो धान आदि प्रवर्द्धनका लागि कार्यक्रमलाई जोड दिएको आर्थिक मामिला तथा योजनामन्त्री किरण गुरुङले बताएका छन् ।

सरकारले पशुपंक्षीका लागि आवश्यक पर्ने दानाको आपूर्तिलाई सहज र सर्वसुलभ बनाउन निजी क्षेत्रको साझेदारीमा दाना र साइलेज उद्योग स्थापना गर्न रु. एक करोड १२ लाख त्यस्तै अस्पताल तथा पशुविज्ञ केन्द्रको प्रयोगशालाको स्तरोन्नति गर्न तथा पशु रोग नियन्त्रणका लागि खोप बैंक स्थापना गरी पशु खोप कार्यक्रम सञ्चालन गर्न बजेट व्यवस्था गरिएको साथै तनहुँको आँबुखैरेनी र स्याङ्जाको मालुङ्गामा स्थापित द्रुत विषादी अवशेष परीक्षण केन्द्रलाई थप स्रोत साधन सम्पन्न बनाई पशुपक्षी रोग नियमन गर्ने प्रयोगशालाका रूपमा समेत सञ्चालन गर्न दुई करोड ९९ लाख विनियोजन गरेको मन्त्री गुरुङले बताएका छन् ।