अखबार नेपाल ट्रेन्डिङ

एजेन्सी: स्पेनिस ला लिगामा सेभिल्लाले लेभान्टेसँग बराबरी खेल्दै अंक बाँढेका छन् । सोमबार राती भएको खेलमा सेभिल्लाले पाएको अग्रता जोगाउन नसक्दा लेभान्टेसँग बराबरी खेल्यो । भ्यालेन्सियाको मैदानमा भएको खेल पहिलो हाफ बराबरीमा टुङ्गिएको थियो । पहिलो हाफको शुरुको पहिलो मिनेटमा नै लुक डि जोङ्गले गोल गर्दै सेभियालाई अग्रता दिलाएका थिए ।

दोस्रो हाफमा लेभान्टेलाई नियन्त्रणमा राख्न सफल बनेको सेभियाले आफ्नै गल्तीका कारण अंक गुमायो । खेल सकिन तीन मिनेट बाँकी हुँदा सेभिल्लाका डिएगो कार्लोसले लेभान्टेको गोलपोष्टमा आत्मघाती गोल गरेपछि जितबाट विमुख भएको थियो ।

सोमबार राति नै भएको अर्को खेलमा रियाल बेटिस र ग्रानडाले २–२ गोलको बराबरी खेले । बेटिसका लागि सर्जियो केनालेस र क्रिष्टियन टेलोले गोल गरे भने ग्रेनाडाका कार्लोस फर्नान्डेज र रोवर्टो सोल्डाडोले एक एक गोल गरेका थिए । बराबरीसँगै ग्रेनाडाले २० खेलमा ४२ अंक जोड्दै भिल्ला रियाललाई उछिन्दै आठौं स्थानमा उक्लिएको छ । उता रियाल बेटिस समान खेलमा ३४ अंकका साथ १३औं स्थानमा यथावत छ ।