अखबार नेपाल ट्रेन्डिङ

एजेन्सीः युभेन्ट्स कोपा ईटालिया फुटबलको फाईनलमा प्रवेश गरेको छ । अवे गोलका आधारमा एसी मिलानलाई हराउँदै युभेन्ट्स कोपा ईटालियाको फाईनल प्रवेश गरेको हो । दोस्रो लेगको खेल गोल रहित बराबरीमा सकिएपछि अवे गोलका आधारमा युभेन्ट्स अघि बढ्यो ।

मिलान शहरमा फेब्रुअरी १३ मा भएको पहिलो लेगको खेल १–१ गोलको बराबरीमा सकिएको थियो । १३ पटकको च्याम्पियन युभेन्ट्सले बन्द रंगशालामा भएको सेमिफाईनलको दोस्रो लेगमा कुनै गोल गर्न सकेन । क्रिस्टियानो रोनाल्डो पेनाल्टीमा चुक्दा युभेन्ट्सले सुरुवातमै अग्रता लिने अवसर गुमाएको थियो ।

आन्टी रिबिकको ह्यान्ड बलमा युभेन्ट्सले खेलमा पेनाल्टीको अवसर पाएको थियो । १६औ मिनेटमा क्रोएसियाका फरवार्ड रिबिकले पुन युभेन्ट्सका ड्यानिलोलाई फल गरेपछि रातो कार्ड खादै मैदान छाडेका थिए । युभेन्ट्सका प्रशिक्षक सर्रीले बुधबार रोममा हुने फाईनलमा ईन्टर मिलान वा नापोलीसंग प्रतिस्पर्धा गर्नेछन् । पहिलो खेलको खेलमा नापोलीले १–० को अग्रता लिएको छ । शनिबार दोस्रो लेगको खेल हुदैछ ।