अखबार नेपाल ट्रेन्डिङ

एजेन्सीः स्पेनका प्रधानमन्त्री पेड्रो सान्चेजले त्यहाँको शिर्ष डिभिजन लिग फुटबल ला लिगा ८ जुन देखि सुरुगर्न अनुमति दिएका छन् । कोरोना भाइरसको महामारीका कारण रोकिएको ला लिगा कडा स्वास्थ्य नियमका साथ फेरि सुरु गर्ने अनुमति प्रधानमन्त्रीबाट मिलेको हो ।

प्रधानमन्त्री सान्चेजले कोरोना महामारीका लागि स्पेन सरकारले गर्नुपर्ने सबै काम सकेको र दैनिक गतिविधि सहित ला लिगा गर्न अनुमति दिएको बताएका थिए । लिग कमिटि नियमित रुपमा सरकारसँगको छलफलमा थियो । कमिटिले स्वास्थ्य सम्बन्धी हरेक नियमको पालना गरेर फुटबल फर्काउने प्रतिवद्धता जनाए अनुसार सरकारले ८ जुनदेखि लिग सञ्चालनको ढोका खोलिदिएको हो ।

अनुमति मिलेपछि सरकारले भनेको ८ जुनको समय र अध्यक्ष टेवासले भनेको १२ जुनको समय भित्र फुटबल सुरु हुने सम्भावना छ तर लिग कमिटिले अझै नयाँ मिति भने तय गरेको छैन । फुटबलमा फर्कन प्रयासरत ला लिगा क्लबहरुले केही हप्ता अघिबाट अभ्यास भने थालिसकेका छन् ।