अखबार नेपाल ट्रेन्डिङ

काठमाडौं: नेपाल पत्रकार महासंघ, केन्द्रीय समितिको आयोजना तथा स्वास्थ्य तथा जनसंख्या मन्त्रालयसँगको संमन्वयमा महासंघमा केन्द्रीय कार्यालयमा सूचना सम्प्रेषणका लागि अग्रपंक्तिमा खटिएर काम गरिरहेका १ सय ९१ जना सञ्चारकर्मीको कोरोना भाइरस परीक्षणका लागि स्वाब संकलन गरेको छ ।

नेपाल पत्रकार महासंघका महासचिव रमेश विष्टले स्वाब संकलनका लागि खटिएका स्वास्थ्यकर्मीहरुलाई हालको अवस्थामा जोखिम मोलेर सेवा दिएकोमा स्वास्थ्य तथा जनसंख्या मन्त्रालय तथा सेवा दिने कर्मचारीप्रति धन्यबाद व्यक्त गरे । उनले कोरोना संक्रमणको जोखिम मोलेर सूचना संकलनक लागि अग्रपंक्तिमा खटिएका पत्रकारको परिक्षण नतिजा नेगेटिभ आउने आशा व्यक्त गरे ।

त्यस्तै मेडिकल ल्याब एसोसियसन अफ नेपाल (मेलानका) अध्यक्ष राजेन्द्र खड्काले कोरोना भाईरस नेपालमा समेत भित्रिसकेको अवस्थामा प्रयोगशालामा कामगर्ने जनशक्तिका लागि अतिनै संवेदनशिल रहेको भन्दै त्यसतर्फ सरकारले विशेष ध्यान दिनुपर्ने बताए । उनले निजि क्षेत्रका स्वास्थ्यकर्मीहरुलाई समेत सरकारले कोरोना भाइरस संक्रमण रोक्नका लागि परिचालन गर्नुपर्ने धारणा व्यक्त गरे ।