अखबार नेपाल ट्रेन्डिङ

काठमाण्डौ: बलिवुड अभिनेता ऋषि कपूर अस्पताल भर्ना भएका छन् । स्वास्थ्य अवस्था बिग्रिएपछि उनलाई मुम्बईको एनएच रिलायन्स फाउण्डेशन अस्पतालमा भर्ना गरिएको ऋषिका दाइ रणधीर कपूरले जानकारी दिएका हुन् ।

६७ वर्षीय ऋषि कपूरलाई बुधबार बिहान अस्पतालमा भर्ना गरिएको हो । समाचार एजेन्सी पीटीआईका अनुसार अहिले उनी अस्पतालमा छन् । उनलाई क्यान्सर र श्वासप्रश्वास सम्बन्धी समस्या आएको र अहिले उनको अवस्था स्थिर रहेको जनाएको छ ।

अमेरिकामा झण्डै एक वर्षसम्म क्यान्सरको उपचार गरेपछि ऋषि कपूर गएको वर्षको सेप्टेम्बरमा भारत फर्किएका थिए । यही वर्षको फेब्रुअरीमा स्वास्थ्य बिग्रिएपछि उनलाई दुई पटक अस्पताल भर्ना गरिएको थियो । सामाजिक सञ्जालमा उनका समर्थकले उनको शीघ्र स्वास्थ्य लाभको कामना गरेका छन् ।