अखबार नेपाल ट्रेन्डिङ

काठमाडौं: युरोपेली युनियन (ईयू) ले कोरोना भाइरस नियन्त्रणको लागि नेपाललाई झन्डै १० अर्ब सहयोग गर्ने भएको छ । ईयूले ७५ मिलियन युरो अर्थात् करिब ९ अर्ब ९० करोड ८१ लाख ५० हजार रुपैयाँ नेपाललाई सहयोग गर्न लागेको नेपालस्थित ईयू कार्यालयले जारी गरेको विज्ञप्तिमा उल्लेख गरिएको छ ।

त्यस्तै २० मिलियन युरो अर्थात् करिब २ अर्ब ६४ करोड ३४ लाख ७९ हजार भने ईयूले सहयोगको रुपमा नयाँ प्रतिबद्धता गरेको हो । नेपालका लागि ईयूकी राजदूत भेरोनिका कोडीले यो संकटको समयमा ईयू नेपालको भरपर्दो साथी भएको बताएकी छन् । उनले भनेकी छन्,‘यो समयमा अन्तर्राष्ट्रिय सहकार्य र ऐक्यबद्धता अन्य समयभन्दा बढी महत्वपूर्ण छन् ।’ विज्ञप्तिका अनुसार ईयूले झन्डै १५ अर्ब रुपैयाँ विश्व स्वास्थ्य संगठनलाई कोरोना भाइरस रोकथाम र नियन्त्रणका लागि सहयोग गरेको छ ।