अखबार नेपाल ट्रेन्डिङ

काठमाडौं: आफ्ना व्यवसायिक ग्राहकहरुलाई विश्वव्यापी रुपमा फैलिएको कोरोना भाईरस महामारीको समयमा सुरक्षित कारोबारको सुविधा प्रदान गर्ने उद्देश्यले नबिल बैंकले ‘ई-नबिल कर्पोरेट इन्टरनेट बैंकिङ्ग’ सेवा सञ्चालनमा ल्याएको छ ।

ई-नबिल एसएमई, मीड कर्पोरेट तथा ठूला कर्पोरेटहरुलाई प्रदान गरिने इन्टरनेट बैंकिङ्ग सेवा हो । ई-नबिल मार्फत ग्राहकवर्गले नबिल बैंकमा रहेको खाता भएका ग्राहकहरुले रकम भुक्तानी गर्न सक्नेछन् । साथै ग्राहकहरुले देशका अन्य बैंक तथा वित्तीय संस्थाहरुमा रहेका खातामा पनि सजिलै भुक्तानी गर्नुका साथै आफ्नै घर तथा कार्यालयबाट भुक्तानीहरु समेत गर्न सक्नेछन् ।

ई-नबिलका सन्दर्भमा “ई-नबिल व्यवसायिक ग्राहकवर्गलाई सरल, सहज र छिटो वित्तीय सेवा प्रदान गर्ने उत्कृष्ट प्रणाली हो । यस प्रणाली मार्फत हाम्रा ग्राहकवर्गले सजिलै छोटो समयमा स्वयम् नै रकमान्तरण गर्न सक्नेछन् । अब वित्तीय कारोबार गर्न नियमित बैंकमा आइरहनु पर्दैन ।” नबिल बैंकका प्रमुख कार्यकारी अध्यक्ष, अनिल केशरी शाह बताउँछन् ।

नबिल बैंक निजि क्षेत्रको अग्रणी बैंक हो । यसका देश भरी १ सय १८ शाखाहरु र १ सय ७५ एटिएम काउण्टरहरु छन् । नबिल बैंकले नेपाली बैंकिङ्ग क्षेत्रमा नविनतम् सेवाको शुरुवात गर्न अग्रणी भूमिका खेल्नुका साथै यसले नेपालको बैंकिङ्ग विकासको ईतिहासमा कोसेढुङ्गाको रुपमा काम गर्दै आएको छ र यसले ग्राहकको सन्तुष्टी सहित आधुनिक बैंकिङ्ग युगको शुरुवात गर्नुका साथै आफ्नो व्यवसायलाई ग्राहकहरुको उच्च सन्तुष्टी प्रदान गर्ने तर्फ केन्द्रित गरेको छ ।