अखबार नेपाल ट्रेन्डिङ

एजेन्सीः युरोपेली फुटबल महासंघ (युईएफए)ले च्याम्पियन्स लिगको फाईनल अगष्टको अन्तिम साता आयोजना गर्ने योजना बनाएको छ । युईएफएले अनिश्चितकालका लागि स्थगित च्याम्पियन्स लिगको फाईनल अगष्ट २९ मा सञ्चालन गर्ने तयारी गरेको हो ।

कोरोना भाईरस महामारीको बढ्दो प्रकोपले युरोपको फुटबल गतिविधि अनिश्चित अवस्थामा छ । च्याम्पियन्स् लिग र युरोपका फुटबल लिगहरुको भविष्य निर्धारण गर्न युईएफएले अप्रिलको २३ मा बैठक बस्ने जनाएको छ । युईएफएको स्विकृतिमा स्थगित सबै लिगहरु चाँडो भन्दा चाडो सक्काउने तैयारी भईरहेको छ । विभिन्न लिग कमिटीहरुले सेप्टेम्बरअघि यस सिजनका सबै खेलहरु सकाउने एउटा विकल्पमाथि तव्रि रुपमा छलफल भईरहेको बुझिएको छ ।

यी सबै योजना अन्तर्गत सबैभन्दा बढी छलफल अगस्ट २९ मा ईस्तानबुलमा च्याम्यिन्स् लिग फाईनल सकाउने बारेमा भईरहेको छ । सोही कारण च्याम्पियन्स लिगको फाईनल अगष्टको २९ मा ईस्तानबुलमा र युरोपा लिगको फाईनल तीन दिन अघि सक्ने गरि युईएफएले आन्तरिक योजना बनाएको हो । दुई विकल्पका साथ युईएफएले छलफल अघि बढाएको छ ।

पहिलो योजना भनेको च्याम्पियनस् लिगको नकआउट चरण नियमित रुपमा नै गर्ने र जुलाईमा क्वार्टरफाईनल पश्चात अगस्टमा फाईनल खेल खेलाउने रहेको छ । यदि यो सम्भव नभए सिजनको अन्तिमतिर सानो आकारको च्याम्पियन्स् लिग गर्ने दोश्रो योजना छ । सबै क्वार्टरफाईनल खेलहरु सिङ्गल लेगको गर्ने विकल्पमाथि पनि छलफल भइरहेको छ ।