अखबार नेपाल ट्रेन्डिङ

रामेछापः विश्वभर महामारीको रुपमा फैलिएको कोरोना भाइरस नियन्त्रणका लागि रामेछापमा क्वारेन्टाइनमा बस्नेको संख्या ५४ जना पुगेको छ । भाइरस संक्रमण नियन्त्रणका लागि भारत लगायत विभिन्न देशबाट फर्किएका ५४ जनालाई क्वारेन्टाइनमा राखिएको हो ।

रामेछापको गोकुलगंगा गाउँपालिकामा ७ जना, दोरम्बा गाउँपालिकामा १० जना, मन्थली नगरपालिकामा ६ जना, रामेछाप नगरपालिकामा १७ जना, खाँडादेवी गाउँपालिकामा १० जना र लिखुतामाकोशी गाउँपालिकामा ४ जनालाई क्वारेन्टाइनमा राखिएको जिल्ला स्वास्थ्य कार्यालय रामेछापले जानाएको छ ।

कोरोना भाइरसको रोकथाम र नियन्त्रणको लागि रामेछाप जिल्लाका ८ वटै स्थानीय तहले आइसोलेसन केन्द्र र सामुदायिक क्वारेन्टाइन स्थल स्थापना गरेका छन् । जिल्लामा आवश्यक पर्दा चिकित्सक गएर उपचार गर्न सक्ने ४५ वटा आइसोलेसन कक्ष र १ सय ६७ जना अट्ने क्वारेन्टाइनस्थल स्थापना गरिएको छ ।

हालसम्म मन्थली नगरपालिकामा २२, रामेछाप नगरपालिकामा ४, दोरम्बा गाउँपालिकामा ७ र सुनापति गाउँपालिकामा ६ वटा आइसोलेसन सेन्टर स्थापना गरिएको जिल्ला स्वास्थ्य कार्यालय रामेछापले जानाएको छ । त्यसैगरी, मन्थली नगरपालिकामा २०, रामेछाप नगरपालिकामा ६०, दोरम्बा गाउँपालिकामा ८, खाँडादेवी गाउँपालिकामा २०, गोकुलगंगा गाउँपालिकामा १५, उमाकुण्ड गाउँपालिकामा २८ र लिखु तामाकोशी गाउँपालिकामा १६ जना अट्ने क्वारेन्टाइनस्थल तयार पारिएको जिल्ला स्वास्थ्य कार्यालय रामेछापले जानाएको छ ।