अखबार नेपाल ट्रेन्डिङ

काठमाडौं: कोरोना संक्रमणबाट एकै दिन ३५ सय भन्दा बढीले ज्यान गुमाएका छन् । विगत २४ घण्टामा विश्वभर ज्यान गुमाउनेको संख्या ३५ सय ७ जना रहेको विश्व स्वास्थ्य संगठनले जनाएको छ ।

सबै भन्दा धेरै इटालीमा एकै दिन ८ सय ८९ जनाको मृत्यु भएको छ । स्पेनमा एकै दिन ८ सय ४४ जना मृतक थपिएका छन् । हालसम्म इटालीमा मृत्यु हुनेको संख्या १० हजार ३ पुगेको छ भने स्पेनमा ५ हजार ९ सय ४७ जनाले ज्यान गुमाएका छन् । अमेरिकामा ५ सय १५ थपिएर मृतकको संख्या २ सय १२ पुगेको छ । अमेरिकामा संक्रमितको संख्या एक लाख २३ हजार ४ सय २८ पुगेको छ ।

विश्वभरमा ज्यान गुमाउनेको संख्या ३० हजार ८ सय ५१ पुगेको छ । विश्वभर ६ लाख ६२ हजार ९ सय ६७ जनालाई कोरोना संक्रमण भइसकेको छ । त्यस्तै, १ लाख ४१ हजार ९ सय ५३ जना उपचारपछि निको भइसकेका छन् ।