अखबार नेपाल ट्रेन्डिङ

काठमाडौ: विश्वभर महामारीको रुपमा फैलिकएको कोरोना भाइरसको जोखिमका कारण स्वदेश फर्कन चाहने नेपाली कामदारलाई रोक्न नमिल्ने दावी गरिएको रिटमा सर्वोच्च अदालतमा सुनुवाइ सुरु भएको छ ।

न्यायाधीश डम्बरबहादुर शाहीको एकल इजलाशमा रहेको उक्त मुद्दामा अहिले बहस सुरु भएको छ । सरकारले नेपाल प्रवेश रोक्नु गैरकानुनी भएकाले उनीहरुलाई निर्वाध रुपमा भित्र्याउन र जनताको स्वास्थ्य ख्याल गर्न माग रिटमा गरिएको छ ।

रिट निवेदनमा जुनसुकै मुलुकबाट स्वदेश फर्कन चाहने नेपालीलाई रोक्न नहुने आदेश जारी हुनुपर्ने माग छ । अधिवक्ताहरु मीरा खड्का बस्नेत र माधव बस्नेतले सर्वोच्च अदालतमा गत सोमबार दर्ता गरेको रिट निवेदनमा विपतका बेलामा विदेशमा रहेका आफ्ना नागरिकहरुलाई खोजेर ल्याएर उपचारको व्यवस्था गर्नुपर्नेमा स्वदेश फर्कनै रोक्नु गैरकानुनी हुने दावी गरिएको छ ।