अखबार नेपाल ट्रेन्डिङ

कैलाली: गत पुस ३ गते कैलालीको स्थानिय अमरावती सामुदायिक वनमा एकजनाको टाउको छुट्याएको अवस्थामा शव फेला पर्यो ।

दास गाउँमै मजदुरी गर्ने अर्जुनको  हत्यापछि उनको कपडा निकालेर सो कपडाले रुखमा बाँधेको अवस्थामा उनको शव भेटिएको थियो ।

कैलालीको जानकी गाउँपालिका–९ घर भएका २५ वर्षीय अर्जुन दासको हत्यामा संलग्नहरूलाई  प्रहरीले पक्राउ गरेको छ ।

अर्जुनको हत्या आरोपमा  मनोज भण्डारीसहित ४ जनालाई रुपन्देहीको बेलहियाबाट पक्राउ गरेको प्रहरलिे जनाएको छ ।

पक्राउ पर्नेमा जानकी–९ घर भएका १९ वर्षका मनोज भण्डारी, सोही ठाउँका १९ वर्षीय सुमित साउद, बम बहादुर बोहोरा उर्फ बमे र रोन परियार उर्फ दिलिप दास छन् ।

महाशाखाको टोलीले वैशाख १ मा उनीहरुलाई रुपन्देहीको सिद्धार्थनगर नगरपालिका वडा नम्बर–१ बेलहिया सीमा नाकाबाट पक्राउ गरेर काठमाडौंमा सार्वजनिक गरेको छ ।

भारतमा लुकेर बस्दै आएका उनलाई नेपाल आएको बेला प्रहरीले पक्राउ गरेको हो  ।